“Barselona”nın baş məşqçisi Hansi Flik "Kamp Nou"ya gələn Lionel Messi ilə bağlı sualları cavablandırıb.
90plus.az xəbər verir ki, Alman mütəxəssis argentinalı super ulduzu tərifləyərkən, onun klubda oynayıb-oynamayacağı ilə bağlı dəqiq mövqe bildirib.
Messi sualı
Hansi Flikə Messi ilə çalışmaq istəyib-istəmədiyi soruşulduqda, baş məşqçi qısa cavab verdi: “Niyə olmasın?” O, son on ilin, hətta daha uzun müddətin ən yaxşı futbolçusunu hər zaman yüksək qiymətləndirdiyini qeyd etdi.
Alman çalışdırıcı həmçinin Messinin müqavilə vəziyyətinə diqqət çəkdi: “Onun müqaviləsi 2028-ci ilə qədərdir, mənim müqaviləm isə 2027-ci ilə qədər. Buna görə də bu məsələ mənim qərar verəcəyim bir mövzu deyil.”
"Barselona" prezidenti Laporta isə belə deyib: "Leo Messinin oyunçu kimi geri dönüşü sadəcə real deyil. Hazırda onun "İnter Mayami" ilə müqaviləsi var".
"Klub indiki və gələcək üçün bir layihə qurur. Bu, mürəkkəbdir və keçmişdə yaşayırsansa, çətin ki, irəliləyəsən".
🔗Fabrizio Romano
