Simone İnzaginin komandaları həlledici dönəmlərdə hər zaman büdrəyir.

90plus.az xəbər verir ki, 49 yaşlı italiyan mütəxəssis eyni uğursuzluğu həm "Latsio"da, həm də "İnter"də yaşaylb:

* 2017/18 mövsümü - "Latsio"da:

“Latsio” son turda “İnter”ə uduzdu və bu nəticə ilə Çempionlar Liqasına “İnter” getdi (orta xalla).

* 2019/20 mövsümü - "Latsio"da:

Pandemiyadan əvvəl çempionluğa iddialı olan “Latsio” liqalar bərpa olunduqdan sonra enişə keçdi və mövsümü 4-cü sırada tamamladı.

* 2021/22 mövsümü - "İnter"də:

Çempionluğun əsas favoriti olan “İnter” son həftələrdə heç bir iddiası olmayan “Bolonya”ya qarşı Radunun topu ayağından qaçırması ilə məğlub oldu və çempionluğu “Milan”a verdi.

* 2024/25 mövsümü  - "İnter"də:

Aydın fərqlə çempionluğun favoriti olan “İnter” ardıcıl olaraq “Bolonya” və “Roma” qarşısında məğlub oldu və nisbətən asan oyun proqramı olan “Napoli”yə üstünlük qazandırıb:

1. Napoli - 74 xal;
2. İnter - 71 xal.

Qeyd: İnzaginin kollektivi bu gün saat 23:00-da Çempionlar Liqasının finalı uğrunda ilk matçını "Barselona" ilə keçirəcək.