"Yarımfinalda asan rəqib və asan oyun yoxdur. Hamımız dərk edirdik. İki fərqli hissə oldu. İkinci hissə daha çox intensivliyi artırdıq. Komanda meydanda istədiyimizi verib qələbə qazandı. İki qol buraxdıq. Futbolda belə hallar olur. Sadəcə daha çox hücumun təşklini qururduq. Ani epizodda qapımızda qol gördük. Ona görə də, hücuma daha çox qüvvə ilə atıldıq. Standart vəziyyətdən ikinci qolu buraxdıq. Sevindirici hal odur ki, komanda ruhdan düşmədi və öz əzmini göstərərək qələbə qazandı". 90plus.az xəbər verir ki, bu sözləri "Qəbələ"nin baş məşqçisi Elmar Baxşıyev ölkə kubokunun yarımfinal mərhələsinin "Səbail"lə görüşündən sonra deyib. O, jurnalistlərin suallarını cavablandırıb. - İdman prinsipləri qorunmadan Azərbaycan futbolu inkişaf edə bilər? Son vaxtlar bəzi məşqçilər deyir ki, Premyer Liqadan birinci diviziona komanda düşməsin... - İdman prinsipi həmişə öndə olmalıdır. Hətta "Qəbələ" axırıncı yerdədirsə, yerinə hansısa komanda gəlməlidir. Həmin zonadan uzaq olduğumuza görə demirəm. İkinci məsələ də odur ki, mənim fikrimi bilmək istəyirsizsə, bizim çempionat üçün 10 komanda da azdır. Nə qədər çox olsa, maraq da artar. Premyer Liqaya yeni komandaların qoşulmasının tərəfdarıyam.   - Fasilədə futbolçulara nə dediz ki, ikinci yarıda rəqibə aman vermədiniz? - 0:2 geridə olanda da, komanda meydanda istədiyimizi verirdi. Sadəcə ani epizodlarda qapısında qol görürdü. Yoxsa, komanda oyundan qopmamışdı. Öz oyunumuzu nümayiş etdirməyə çalışırdıq. Sevindirici hal odur ki, komanda toparlandı və layiqli qələbə qazandı. - Rafael Utziqin performansını necə dəyərləndirirsiz?  - Rafael bundan daha yaxşı oynaya bilər. Potensiallı futbolçudur. O, bizimlə davam etsə, həm ona, həm də kluba daha yaxşı oları. Müqaviləsi yayda bitir. Ona təkliflərin olması da normaldır. Yaxşı futbolçunun yaxşı da təklifi hər zaman var. Biz də öz təklifimizi edəcəyik. Razı salsaq, onu görməkdən mənun olaram. - Şansları necə dəyərləndirirsiz? - Məğlub olsaydıq da, mənə görə şanslar bərabər qalacaqdı. İndi səfər və ev oyunlarının qolları da önəm daşımır. Qarşıdakı "Sumqayıt"la oyunu düşünürük. Daha sonra komandanı kubok görüşünə hazırlayacağıq.