Dünən Paris-2024 Yay Olimpiya Oyunlarına lisenziya qazanan qadın güləşçimiz Mariya Stadnik bu uğuru barədə ürək sözlərini deyib. 90plus.az xəbər verir ki, 35 yaşlı idmançı sevincini belə ifadə edib: " Hisslərim izaholunmazdır. 5-ci dəfə Olimpiadaya vəsiqə qazanmaqla qadın güləşində ilkə imza atdım. Bu uğura gedən yol çətin olsa da, bunu bacardım. Buna görə Allaha şükür edirəm. Olimpiada ilə bağlı indi danışmaq istəmirəm. Yaşayıb görərik". Qeyd : Stadnik qadın güləşi tarixində ilkə imza ataraq karyerasında 5-ci Yay Olimpiya Oyunlarında iştirak edəcək.