Dünya Badminton Federasiyasının (BWF ) açıqladığı “Paris-2024” Yay Olimpiya Oyunlarına lisenziya qazanan idmançıların siyahısında iki badmintonçumuzun adı var. 90plus.az xəbər verir ki, ölkəmiz ilk dəfə Olimpiadada iki badmintonçu ilə təmsil olunacaq. 2021-ci ildə Tokioda keçirilmiş Olimpiya Oyunlarında iştirak edən Edi Reski Dviçayo bu dəfə də kişi badmintonçuların şəxsi yarışında mübarizə aparacaq. O, lisenziyaya “Paris yolu” reytinqində 28-ci olmaqla sahib çıxıb. Azərbaycanın qadın badmintonçusu Keişa Fatimə Zəhra isə həmin reytinqdə 31-ci olaraq ölkəmizi “Paris-2024”də təmsil etmək hüququ əldə edib. Badminton yarışları 27 iyul - 5 avqustda Parisdə yerləşən “Porte de la Chapelle” arenasında keçiriləcək.