Bakıda keçirilən U-23 Avropa çempionatında Azərbaycan millisi qadın güləşi üzrə tarixinin ən yüksək nəticəsinə imza atıb. 90plus.az xəbər verir ki, qitə birinciliyində 1 qızıl, 1 gümüş və 1 bürünc medal qazanan yığmamız 76 xalla ilk dəfə komanda hesabında U-23 Avropa çempionatında 3-cü yeri tutub.  Ukrayna (168) birinci, Türkiyə (118) isə ikinci yerdə qərarlaşıb. Millimizdən fərqlənənlər: 57 kq Jalə Əliyeva: Avropa çempionu; 53 kaq Elnurə Məmmədova: Avropa ikincisi; 59 kq Ruzanna Məmmədova: Avropa üçüncüsü!