Yunanıstanın Lutraki şəhərində güləş üzrə U-15 Avropa çempionatında milli komandamız birinci olub . 90plus.az xəbər verir ki, böyük məşqçi Namiq Quliyev, məşqçilər Elşad Allahverdiyevlə Xəqan Süleymanovun rəhbərliyi altında qitə birinciliyinə tam heyətlə yollanan sərbəst güləş millimiz 1 qızıl, 3 gümüş və 4 bürünc medal qazanıb. İbrahim Həsənov (41 kq) bütün rəqiblərinə qalib gələrək Avropa çempionu olub. Rəşid Nazarov (52 kq), Ruslan Vəliyev (62 kq) və Nihad Süleymanlı (75 kq) ikinci, Musa Tağıyev (38 kq), Abbas Şəfiyev (44 kq), Ramal Məmmədoğlu (52 kq) və Asim Əliyev (57 kq) isə üçüncü yeri tutublar. Yekunda 140 xal toplayan millimiz ən yaxın izləyicisini 31 xal qabaqlayaraq komanda hesabında Avropa çempionu olub. Bu U-15 Avropa çempionatları tarixində ilk belə uğurdur. Qeyd : Turnirdə Gürcüstan (109 xal) ikinci, Türkiyə (104 xal) isə üçüncü olub. Mənbə: wrestleaze