Azərbaycan sambo millisi Serbiyanın Novi Sad şəhərində Avropa çempionatında 3 medal qazanıb. 90plus.az Azərbaycan Sambo Federasiyasına istinadən xəbər verir ki, idmançılarımız yarışı 1 qızıl və 2 bürünc medalla tamamlayıb. 2022-ci ilin dünya mükafatçısı Elvin Bağırov (64 kq) finalda Ermənistan təmsilçisi Narek Dallakyana 5:0 hesabı ilə qalib gələrək ilk dəfə böyüklərdə Avropa çempionu olub. Rəsul Aydəmirov (98 kq) və Nicat Məmmədli (58 kq) isə 3-cülük uğrunda görüşdə qalib gələrək bürünc medal əldə edib.