Tomas Tuhelin qərarı İngiltərədə böyük narazılıq yaratdı: Foden, Palmer və Maquayr mundialın yekun heyətindən kənarda qaldı.
90plus.az xəbər verir ki, İngiltərə millisinin baş məşqçisi Tomas Tuhel DÇ-2026 üçün açıqladığı heyətlə ölkədə böyük müzakirələrə səbəb olub.
Bir sıra tanınmış futbolçular heyətdən kənarda qalıb. Siyahıya Fil Foden, Koul Palmer, Harri Maquayr, Lyuis Hol, Adam Uorton, Lyük Şou, Fikayo Tomori və Morqan Gibbs-Uayt daxil edilməyib.
Bunun əvəzində isə Cordan Henderson, Den Börn və Jarell Kuansa milliyə çağırılıb.
Xüsusilə Harri Maquayrın kənarda qalması böyük rezonans doğurub.
Maquayr açıqlamasında bildirib ki, qərar onu şoka salıb və məyus edib.
33 yaşlı müdafiəçi qərardan sonra açıqlama verib:
“Keçirdiyim mövsümdən sonra bu yay millidə vacib rol oynaya biləcəyimə əmin idim. Bu qərar məni şoka saldı və çox məyus etdi.”
Maquayr 2025/26 mövsümündə Maykl Kerrikin rəhbərliyi altında “Mançester Yunayted”də əvvəlki formasını bərpa etmişdi və komandanın Premyer Liqanı üçüncü pillədə başa vurmasına kömək etmişdi.
Təcrübəli futbolçu daha sonra əlavə edib:
“Bu qərardan sonra özümü çox pis hiss edirəm. Komandaya isə uğurlar arzulayıram.”
Mənbələr: “The Telegraph”, “BBC Sport”, “The Athletic”, “talkSPORT”.
