"Beşiktaş"ın sabiq hücumçusu Vaut Veqhorst ağ-qara komandadan narazılığını bildirib. 90plus.az xəbər verir ki, “Beşiktaş"dan ayrılaraq "Mançester Yunayted"ə yollanan hollandiyalı ulduz hücumçu "Sky Sports"a açıqlamasında transfer prosesindən danışıb. "Mançester Yunayted"də menecerindən xəbər gözlədiyini ifadə edən Veqhorst, “Telefon gəlməmiş menecerimlə mesajlaşırdım. Açığı, Beşiktaşdakı məşq məni qane etmədi və şikayətçi idim" dedi. "Mançester Yunayted"də "Kristal Pelas"a qarşı debüt edən 30 yaşlı hücumçu "Beşiktaş"ın heyətində 18 rəsmi oyuna çıxıb və 9 qol vurub, 4 məhsuldar ötürmə verib.