"Barselona"nın baş məşqçisi Xavi keçmiş komanda yoldaşı Dani Alveşin həbsinə münasibət bildirib. 90plus.az “Sport Bible”yə istinadən xəbər verir ki, Xavi Daninin həbsindən sonra "şokda" olduğunu qeyd edib: “Belə bir vəziyyəti şərh etmək çətindir. Mən təəccüblənirəm, şokdayam, şok vəziyyətindəyəm. Daniyə yazığım gəlir. Bu ədalət məsələsidir. Ədalət nə olursa olsun, qalib gələcək”. Qeyd edək ki, Kataloniya Ali Məhkəməsinin verdiyi məlumata görə, bu ayın əvvəlində Alveş İspaniyada gecə klubunda qadına qarşı cinsi təcavüz iddiası ilə istintaqa cəlb olunub.