Futbol üzrə Azərbaycan Premyer Liqasında XX tura start verilib. 90plus.az xəbər verir ki, günün ilk matçında "Zirə" "Səbail"i qəbul edib. Meydan sahibləri rəqibinə 3:1 hesabı ilə qalib gəlib. 52-ci dəqiqədə Vladislav Kulaç hesabı açıb. 69-cu dəqiqədə Rüstəm Əhmədzadə "Zirə"nin ikinci qolunun müəllifi olub. 90+1-ci dəqiqədə Eldar Quliyev fərqi daha da artırıb. 90+7-ci dəqiqədə isə Qoba Zakpa təsəlli qoluna imza atıb. Qələbə sayəsində xallarının sayını 41-ə çatdıran "qartallar" 4-cü pilləyə yüksəlib. 21 xala malik "dənizçilər" sonuncu - 10-cu sırada qalıb. Qeyd edək ki, günün digər görüşündə "Neftçi" "Qəbələ" ilə üz-üzə gələcək. Turun "Kəpəz" - "Turan Tovuz" oyunu aprelin 15-də, "Şamaxı" - "Sumqayıt" və "Sabah" - "Qarabağ" matçları isə aprelin 16-də olacaq.