Azərbaycanlı şahmatçı Şəhriyar Məmmədyarov dünya reytinqində iki pillə irəliləyərək 16-cı yerə yüksəlib. 90plus.az xəbər verir ki, o, FIDE-nin iyunun 1-nə olan reytinq cədvəlində ən yaxşı əmsala malik azərbaycanlı qrossmeysterdir. Digər təmsilçilərimizdən Teymur Rəcəbov 30-cu, Rauf Məmmədov 82-ci pillədə qərarlaşıb. Reytinq cədvəlinə norveçli Maqnus Karlsen başçılıq edir. ABŞ-dən Fabiano Karuana ikinci, Hikaru Nakamura üçüncüdür. Qadın şahmatçıların siyahısında milli üzvlərindən Günay Məmmədzadə 29-cu, Gövhər Beydullayeva 39-cu, Ülviyyə Fətəliyeva 49-cu, Xanım Balacayeva 63-cü, Gülnar Məmmədova 99-cu yerdə qərarlaşıb. Qadınların siyahısına çinli Hou İfan başçılıq edir. Onun ən yaxın izləyiciləri həmyerliləri Szyuy Venszyun və Ley Tinszedir.