Ağır atletika üzrə Azərbaycan çempionu və bir neçə beynəlxalq yarışların qalibi Ümidvar Bayramlı həbs edilib. 90plus.az xəbər verir ki, Mirzə adlı dostunu bıçaqlamaqda (ötən il) təqsirli bilinən 2001-ci il təvəllüdlü idmançı beş il müddətinə həbs olunub. Düz və çənbər bağırsaqları kəsilən Mirzə xəstəxanaya çatdırılıb. Qeyd : Gənc idmançı 2022-ci ildə oğurluq əməlinə görə də məhkum edilibmiş və bıçaqlanma hadisəsini törədərkən həmin cəzasını çəkib başa vurmayıbmış. Məhkəmədə Ü.Bayramlı bildirib ki, Mirzəni görüşə yaranmış mübahisə ilə əlaqədar çağırıb və onu söyüşə görə bıçaqlayıb. BİO : 2001-ci il təvəllüdlü Ümidvar Bayramlı ağır atletika üzrə Azərbaycan çempiondur. O, həmçinin İsveçdə keçirilən Avropa birinciliyinin bürünc medalçısıdır.