Səkkiz kateqoriya üzrə sabiq dünya çempionu Menni Pakyao Paris-2024 Olimpiya Oyunlarında iştirak edə bilməyəcək. 90plus.az "The Sun"a istinadla xəbər verir ki, Beynəlxalq Olimpiya Komitəsi (BOK) məşhur idmançının yaş limiti dolduğuna görə oyunlarda iştirak istəyini rədd edib. Hazırda Pakyaonun 45 yaşı var. Filippin Milli Olimpiya Komitəsinin prezidenti Avraam Tolentino təəssüflə qeyd edib: “ Sevimli boks ikonamızın yaşına görə diskvalifikasiya edilməsi təəssüf doğurur. İdman növündən asılı olmayaraq, hər bir idmançı Parisdə yarışmaq imkanı əldə etmək üçün təsnifat yarışlarından keçməlidir”.