İspaniyanın "elmundofinanciero" saytı Azərbaycan futbolu haqda araşdırma məqalə yayımlayıb. 90plus.az xəbər verir ki, pireneyli həmkarlarımız xüsusilə bu mövsümə yer ayırıb. Yazıda komandaların durumu, bu mövsüm Premyer Liqadan klublardan hansınınsa düşmə ehtimalı, AFFA-dakı, daha dəqiqi PFL-dəki dəyişikliklər, atılan addımlardan bəhs edilir. Peşəkar Futbol Liqasının yeni prezidenti Elxan Səmədovun UEFA-nın məşqçilər üzrə “B” lisenziyasına sahib olması, AFFA-da Uşaq Futbolunun İnkişaf Şöbəsinin direktoru kimi çalışması, 2021-ci ildən AFFA-da VAR şöbəsinin rəhbəri olması, eləcə də İtaliya və Amerikada təhsil alması da vurğulanıb. İspanlar xüsusilə diqqəti VAR sisteminin tətbiqinin Avropanın bir çox ölkələrindən fərqli olaraq qısa müddət çəkməsinə yönəldiblər.