Birləşmiş Ərəb Əmirliklərində təşkil edilən şahmat üzrə "Dubai Open 2024" beynəlxalq turnirinin qalibi Məhəmməd Muradlı olub! 90plus.az xəbər verir ki, son tura lider kimi başlayan Azərbaycan şahmatçısı Məhəmməd çinli Dai Changrenlə xalı yarı bölüb. Beləliklə, 9 turda 7 xal toplayan Məhəmməd Muradlı "Dubai Open 2024"ü qalib kimi başa vurub. O, 16 000 ABŞ dolları məbləğində pul mükafatına layiq görülüb. Turnirdə 6,5 xal toplayan digər şahmatçımız Eltac Səfərli 2-6-cı yerləri bölüşdürüb. Əlavə əmsallara görə E.Səfərli 6-cı yeri tutub.