“Liverpul”un yarımmüdafiəçisi Aleksis Mak Allisterin böyük qardaşı Kevin Mak Allister ilk dəfə Argentina millisindən dəvət alıb.

90plus.az xəbər verir ki, müdafiəçi bu çağırışla karyerasında yeni mərhələyə qədəm qoyur. Qardaşlar son dəfə 2019-cu ildə “Argentinos Xuniors” klubunda birgə çıxış etmişdilər. İndi isə onlar eyni formanı — bu dəfə ölkələrinin milli komandasını — birlikdə təmsil etmək şansı qazanıblar.

Mak Allister ailəsinin futbol xətti bununla bitmir: onların digər böyük qardaşı Fransis Mak Allister də peşəkar futbolçudur.

Qardaşların eyni vaxtda Argentina millisində yer ala bilməsi ölkədə böyük maraq doğurub və yaxın günlərdə baş məşqçinin onları birgə necə istifadə edəcəyi diqqət mərkəzində olacaq.