Fransa yığmasının kapitanı Kilian Mbappe bu gün "Pari Sen-Jermen"dən 240 milyon avro təzminat tələb edib. Bu, onun müqavilə statusu və keçmiş klubu tərəfindən necə davranıldığı ilə bağlı artan mübahisənin fonunda baş verir.

90plus.az xəbər verir ki, PSJ isə keçən il "Real Madrid"ə keçmiş Mbappeyə qarşı Paris əmək məhkəməsində 180 milyon avro qarşı iddia qaldırıb. Bu məbləğ Səudiyyə Ərəbistanının "Al Hilal" klubuna nəzərdə tutulan, oyunçunun imtina etdiyi, yəni uğursuz olan 300 milyon avro dəyərində transferə əsaslanır.

26 yaşlı Mbappe iyun ayında 2023/24 mövsümünün əvvəlində PSJ-də ona göstərilən rəftara görə şikayət vermişdi.

O, Qətər mülkiyyətli klub tərəfindən kənara qoyulduğunu və yeni müqaviləyə razılaşmadığı üçün klubun satmaq istədiyi oyunçularla birlikdə məşq etdiyini iddia edir.

Bu təcrübə digər futbolçulara da təsir edib və ötən il Fransız futbolçular birliyi tərəfindən şikayət edilmişdi.

Mbappe PSJ-nin 2023-cü ilin Asiya turuna dəvət olunmamış və mövsümün ilk oyununu buraxmışdı, lakin sonradan klubla danışıqlardan sonra yenidən komandaya qatılmışdı.

PSJ-də yeddi mövsüm keçirdikdən sonra o, keçən yay "Real Madrid"ə azad transferlə keçib və burada illik maaşı təxminən 30 milyon avro olduğu bildirilir.

Mbappe PSJ-də 308 oyunda 256 qol vurub, lakin hücumçunun ayrılmasından sonra klub ötən mövsüm Çempionlar Liqasını ilk dəfə qazanıb.