“İnter Mayami”nin ulduzu Lionel Messi hesab edir ki, onun sönməyən uğur həvəsi və rəqabətçi təbiəti onun uzun oynamağının əsas səbəbidir. 38 yaşlı futbolçu karyerasının son illərində belə oyunu ilə iz qoyur və MLS komandası üçün məhsuldar çıxış edir.

90plus.az xəbər verir ki, o, son olaraq 31 oyunda 34 qol vuraraq MLS-in Qızıl But mükafatını qazandı və 18 asist əlavə etdi. Həmçinin MLS Kubokunun play-off mərhələsində əla çıxış edərək, "Neşvill"lə üç oyunda beş qol və bir assistlə klubunu Konfrans yarımfinalına daşıdı.

Messinin ürək sözləri:

“Nəticədə, bu, mənim uşaqlıqdan bəri etdiyim şeydir və ən çox həvəs göstərdiyim şey: Mən futbol oynamağı və rəqabət aparmağı sevirəm. Heç kimin qarşısında uduzmağı sevmirəm və hər dəfə meydana çıxanda qalib gəlmək üçün, ya da ən azından cəhd etmək üçün gedirəm. Mən rəqabəti sevirəm, bu həm mənim, həm də komandaya yeni gələnlər üçün bir az çətinlik idi. Biz çox gənc və inkişaf etməkdə olan komandaya gəlmişdik. Məqsəd onu rəqabətcil bir klub etmək, titul uğrunda mübarizə aparan və böyüməsinə bərabər qoşula biləcəyimiz bir klub yaratmaq idi. Məncə, bunu bacardıq.

“Bu illərin necə keçdiyindən razıyam və meydanda, fiziki olaraq özümü yaxşı hiss etdiyim müddətcə, eyni şəkildə davam edəcəyəm: rəqabət aparmaq, qalib gəlmək və həmişə əlimdən gələni etmək. Fiziki olaraq buna hazır olmadığımı, meydanda əziyyət çəkdiyimi və ya bundan zövq almadığımı hiss etdiyim an isə dayandırma vaxtı olacaq, amma indi bunu sevirəm, özümü yaxşı hiss edirəm və vəziyyətimiz budur.”