Jurnalist Jülyen Fromanın məlumatına görə, Nasser Əl-Xəlaifi 30 mayda Budapeştdə keçiriləcək 2026-cı il UEFA Çempionlar Liqasının finalı üçün klubun təxminən 500 əməkdaşını oyuna aparmağı planlaşdırır.

90plus.az xəbər verir ki, "Paris Sen-Jermen" rəhbərliyi klubun əvvəlki finalında olduğu kimi yenə inzibati və texniki heyətin də bu uğurun bir hissəsi olmasını istəyir.

Paris təmsilçisi yarımfinalda "Bayern Münhen" üzərində iki oyunun cəmində 6:4 hesablı qələbə qazanaraq ardıcıl ikinci dəfə Çempionlar Liqasının finalına yüksəlib.

PSJ hazırda Liqa 1-in turnir cədvəlinə də başçılıq edir və ən yaxın izləyicisi "Lans"ı 6 xal qabaqlayır.