Azərbaycanın qadınlardan ibarət voleybol millisi bu gün Qızıl Avropa Liqasında qələbə qazanıb. 90plus.az xəbər verir ki, III turun görüşündə Estoniya ilə qarşılaşan yığmamız 3:0 (25:21, 25:12, 25:20) hesablı qələbə qazanıb. Qeyd : Daha öncə Xorvatiyanı 3:0 hesabı ilə məğlub edən qadın voleybolçularımız Slovakiya (1:3), Rumıniya (0:3) və İsveçə (0:3) məğlub olub. Yığmamız iyunun 2-də Avstriya ilə qarşılaşacaq. Kişi voleybolçular dan ibarət millimiz isə Qızıl Avropa Liqasında III turun səfər matçında Estoniyaya 0:3 (14:25, 15:25, 17:25) hesabı ilə uduzub. Fərid Cəlalovun rəhbərlik etdiyi komanda bundan əvvəlki matçlarda Rumıniya, Ukrayna, Belçika və Şimali Makedoniyaya da 0:3 hesabı ilə məğlub olub. Xalı olmayan komanda sonuncu - 12-ci yerdədir. Azərbaycan millisi iyunun 1-də Lüksemburqla qarşılaşacaq.