"Mançester Siti" baş məşqçisi Pep Qvardiola, komandasına qarşı irəli sürülən ittihamlardan sonra sükutunu pozdu.

90plus.az xəbər verir ki, "Siti"nin Premyer Liqanın maliyyə qaydalarını pozduğuna dair 115 ittihamla bağlı məhkəmə prosesi, məsələnin ictimaiyyətə açıqlanmasından 18 aydan çox vaxt keçdikdən sonra, sentyabrın 16-da, bazar ertəsi günü baş tutacaq. Qvardiola məsələnin həllini istəyir, lakin onun və komandasının bu işə cəlb olunmadığını bildirib. 

"Mən vəkil deyiləm. Bu ölkədə çoxlu sayda vəkil var, amma mən gözləyirəm. Gözləyib görəcəyik. Erling vəkil deyil, ona görə də bu məsələ ilə bağlı onunla danışmamışıq," deyə Qvardiola mətbuat konfransında bildirib və əlavə edib: "Baş verəcək şey müstəqil şəkildə olacaq və biz cəzanı qəbul edəcəyik. Bu barədə danışmaq istəmirəm, kifayətdir."