Səudiyyə Ərəbistanı Peşəkar Liqası rəsmilərinin Kristiano Ronaldonun futbolçu karyerasını başa vurmaq planları ilə bağlı ipucları verdiyi bildirilir.
90plus.az xəbər verir ki, Ronaldo futbolla vidalaşmazdan əvvəl Yaxın Şərqdə onunla birlikdə oynayacaq 50 dünya səviyyəli futbolçunun liqaya cəlb edilməsi üçün hazırlıqlar görülür.
Ərəbistan üçün yeni ulduzlar gündəmdədir
Transfer rəsmiləri bu yay ən məhsuldar yaş dövründə olan 50 əcnəbi futbolçunu liqaya gətirməyi planlaşdırır. 2026-cı il Dünya Çempionatı başa çatdıqdan sonra böyük transferlərin tamamlanması üçün prosesin sürətlənəcəyi gözlənilir. Hədəfdə olan futbolçular arasında “Liverpul”un ulduzu Mohamed Salah, “Mançester Yunayted”in kapitanı Bruno Fernandeş, “Real Madrid”in cinah oyunçusu Vinisius Junior və “Barselona”nın hücumçusu Robert Levandovski yer alır.
Ronaldo 2027-ci ildə karyerasını bitirə bilər
Səudiyyə Ərəbistanı Peşəkar Liqası rəhbərliyi Portuqaliya futbolunun əfsanəsi olan Ronaldonun 2027-ci ilin yayında “Əl-Nəsr” klubundan ayrılmasının mümkünlüyünü nəzərə alaraq indidən hərəkətə keçib. Beşqat “Qızıl top” mükafatçısının həmin tarixdə futbolçu karyerasını bitirə biləcəyi iddia olunur.
Ronaldo sonrası dövr üçün planlar
Kristiano ilə 43 yaşını keçməsinə imkan verəcək bir illik yeni müqavilə imzalansa belə, onun mümkün ayrılığı sonrası qlobal marağın kəskin azalmasının qarşısını almaq üçün müxtəlif ssenarilər müzakirə olunur. Variantlardan biri Ronaldonun “Əl-Nəsr” klubunda səhmdar olaraq qalması və hazırda sahib olduğu 15 faizlik payını artırmasıdır.
