"Yuventus" klubunun Kristiano Ronaldo'ya hələ ödənilməmiş 19 milyon avro borcunun qaldığı bildirildi. Əgər portuqaliyalı superulduz istəsə, klubu məhkəməyə verib ödənişi tələb edə bilər. Qeyd edək ki, bu gün İtaliya Futbol Federasiyası "Yuventus"un maliyyə problemlərinə görə 15 xalını sildi. Bununla da klub 10-cu yerə gerilədi. Ronaldo "Yuventus"da 2018-2021-ci illər arasında forma geyinib. Liqada çıxdığı 98 matçda 81 qol vurmağı bacarmışdı.