Ukraynanın "Şaxtyor Donetsk" klubu əsgərlərə və onların ailələrinə yardım üçün 25 milyon dollar ayıracaq. 90plus.az Ukrayna mətbuatına istinadən xəbər verir ki, bu barədə klub prezidenti Rinat Axmetov Premyer Liqanın "Çelsi" klubundan vinger Mixailo Mudrik üçün rekord məbləğdə transfer haqqı almasından sonra bildirib. Axmetov əlavə edib ki, “Şaxtyor” “Donbass Arenada” “Çelsi” ilə yoldaşlıq oyunu keçirəcək. Qeyd edək ki, “Çelsi” "Şaxtyor"a oyunçu üçün 70 milyon avro (76 milyon dollar) və əlavə 30 milyon avro bonus ödənişi edəcək. Klub bunun "Şaxtyor" və Ukrayna futbolu üçün transfer rekordu olduğunu bildirib.