Xose Luis Mendilibar ardıcıl 2 mövsümdür ki, avrokubok qazanır. 90plus.az xəbər verir ki, 2022/23 mövsümündə UEFA Avropa Liqasının finalında Sevilya” ilə (Sevilya 1-1 Roma, penaltilərdə 4-1 qələbə) çempion olan mütəxəssis dünən gecə Konfrans Liqasının qalibi olur. (Olimpiakos 1-0 Fiorentina, 116-cı dəqiqədə vurulan qələbə qolu). Ötən mövsüm uğur yolu: ◎ Mart 2023: “Sevilya” mövsümdə üçüncü çalışdırıcı - Xose Luis Mendilibarı komandaya baş məşqçi təyin etdi. ◉ May 2023:  “Sevilya” Avropa Liqasının finalında “Roma”ya qalib gəldi; Mendilibar turnirdə qalib gələn ən yaşlı məşqçi və UEFA klub turnirinin finalında Joze Mourinyonu məğlub edən ilk baş məşqçi oldu. Bu mövsüm uğur yolu: ◎ Fevral 2024:  “Olimpiakos” mövsümün üçüncü baş məşqçi dəyişikliyini etdi -  Xose Luis Mendilibarı təyin etdi. ◉ May 2024:  “Olimpiakos” Avropa Konfransı Liqasının finalında “Fiorentina” üzərində qələbə qazandı; Mendilibar yarışda qalib gələn ən yaşlı baş məşqçi və Yunanıstan tarixində UEFA turnir kubokun qaldıran ilk çalışdırıcı oldu.