Avstriyanın paytaxtı Vyanada təşkil olunan beynəlxalq "Vyana Reqatası"nda iştirak edən avarçəkənlərimiz 5 medal qazanıblar.
90plus.az xəbər verir ki, 120-ci "Vyana Reqatası"nda iştirak edən avarçəkənlərimiz 2 bürünc, 1 gümüş, 2 qızıl olmaqla 5 medal qazanıblar.
Böyüklər arasında Bəhmən Nəsiri 2000 metr məsafəyə yürüşdə A finalında qızıl medala layiq görülüb. Murad Sadıxov üçüncü yer tutub. Eyni məsafədə yüngül çəkidə mübarizə aparan Ziya Məmmədzadə isə A finalında ikinci olub.
Yeniyetmələr arasında bir nəfərlik qayıqda 1500 metr məsafəyə yürüşdə Azər İlyasov A finalında bürünc medal qazanıb. Gənclər arasında isə Nurlan Paşayev 2000 metr məsafədə A finalında birinci olub.
Mənbə: Azərbaycan Kanoe və Avarçəkmə Federasiyasının media hesabı
