Yanvarın 16-da İtaliyanın “Salernitana” klubunun baş məşqçi vəzifəsindən uzaqlaşdırılan Davide Nikola komandaya qayıdacaq. 90plus.az   xəbər verir ki, italiyalı mütəxəssis bunu yerli mətbuata açıqlamasında özü deyib: "Dünən klub prezidenti mənə zəng edib qərarın səbəblərini izah etdi. Mən ondan işdən çıxarılmağımı yenidən düşünməsini xahiş etdim. O, razılaşdı və indi mən bütün gücüm və ehtirasımla rəhbərliyin etimadını qazanacam. Hekayəni yenidən birlikdə başlamaq üçün qayıdıram”. Xatırladaq ki, Nikola iki gün əvvəl “Salernitana”nın İtaliya çempionatının 18-ci turunda “Atalanta”ya 2:8 hesablı məğlubiyyətindən sonra istefaya göndərilmişdi.