Draksler: “Qətərdə tam normal və rahat həyatımı yaşayıram”.
90plus.az xəbər verir ki, alman futbolçu Yulian Draksler Qətərdəki həyatı barədə fikirlərini bölüşüb. 32 yaşlı yarımmüdafiəçi bildirib ki, bu ölkədə özünü daha rahat və az tanınmış hiss edir.
“Burada tam normal həyat yaşaya bilirəm. 17 yaşımda ‘Şalke’də debüt etdiyim andan etibarən daim diqqət mərkəzində idim. Birdən-birə küçəyə rahat çıxa bilmirdim — insanlar mənə yaxınlaşır, icazəsiz çəkiliş edirdilər. 2014-cü il dünya çempionatından və xüsusən də Parisdə oynadığım dövrdən sonra üzümə dərin endirilmiş papaq taxmağa və insanlarla göz kontaktından qaçmağa başlamışdım ki, tanınmayım”, – Draksler “BILD”ə açıqlamasında deyib.
Təcrübəli futbolçu əlavə edib ki, Qətərdə vəziyyət fərqlidir:
“Burada məni çox az adam tanıyır. Tanıyanlar da ailəmlə yemək yeyərkən və ya ticarət mərkəzində gəzərkən narahat etmir.”
Qeyd: Yulian Draksler 2023-cü ildən Qətərin “Əl Əhli” klubunda çıxış edir. O, əvvəllər “Şalke”, “Volfsburq”, “PSJ” və Almaniya millisinin formasını geyinib.
