RƏSMİ: FIFA The Best 2025 mükafatlandırma mərasimi Qətərin paytaxtı Dohada keçiriləcək.

90plus.az xəbər verir ki, FIFA tərəfindən rəsmi olaraq açıqlanıb ki, “The Best FIFA Football Awards 2025” mükafatlandırma mərasimi 16 dekabr, çərşənbə axşamı, yerli vaxtla saat 18:00-da Qətərin paytaxtı Doha şəhərində təşkil olunacaq.

Mərasimdə 2024/25 mövsümündə fərdi performansları ilə seçilən futbolçular müxtəlif nominasiyalar üzrə mükafatlandırılacaq. Ən çox diqqət çəkən mükafat isə ənənəvi olaraq ilin ən yaxşı futbolçusu adına veriləcək.

İlin ən yaxşı futbolçusu mükafatına namizədlər:

• Usman Dembele
• Kilian Mbappe
• Nunu Mendes
• Vitinya
• Kol Palmer
• Harri Keyn
• Əşrəf Hakimi
• Məhəmməd Salah
• Lamin Yamal
• Rafinya

Qeyd: Qalibin adına milli komandaların baş məşqçiləri, kapitanları, jurnalistlər və azarkeşlərin səsverməsi əsasında qərar veriləcək.

Mükafatlandırma mərasimi futbol dünyasının ən nüfuzlu tədbirlərindən biri hesab olunur və hər il böyük maraqla izlənilir.