PSJ Səudiyyə Ərəbistanının "Əl-Nəsr" və "Əl-Hilal" klublarının futbolçularından ibarət komanda ilə yoldaşlıq görüşünə görə büdcəsini zənginləşdirəcək. 90plus.az xəbər verir ki, məlumatı "Lequipe" yayıb.  Mənbənin məlumatına görə, Fransa klubu ərəblərdən 10 milyon avro alacaq.  Görüş yanvarın 19-da baş tutacaq və Bakı vaxtı ilə saat 21:00-da start götürəcək. Xatırladaq ki, ötən ilin sonunda portuqaliyalı hücumçu Kriştianu Ronaldu “Əl-Nəsr”ə keçib və hələ yeni klubunda bir oyun belə keçirməyib. O, qarşıdakı oyunda Səudiyyə Ərəbistanının "Ulduzlar komandası"nın kapitanı olacaq. PSJ 19 matçdan sonra 47 xalla Liqa 1-in turnir cədvəlinə başçılıq edir. Baxmayaraq ki, Lionel Messinin komandası Fransa çempionatının son üç oyununda iki məğlubiyyətlə üzləşib.