İspaniya millisinin baş məşqçisi Luis de la Fuente ardıcıl ikinci dəfə Beynəlxalq Futbol Tarixi və Statistikaları Federasiyası tərəfindən “İlin Milli Komandalar üzrə Baş Məqçisi" seçilib.

90plus.az xəbər verir ki, bu mükafat La Roja ilə davamlı uğurları, həmçinin beynəlxalq səviyyədə taktiki bacarığı və liderliyini əks etdirir.

IFFHS - Beynəlxalq Futbol Tarixi və Statistikası Federasiyası müstəqil təşkilat olub, futbol tarixini sənədləşdirir, statistikaları toplayır və ən yaxşı oyunçular, komandalar, liqalar və oyun qurucular üçün illik mükafatlar təqdim edir.

FIFA-dan kənar fəaliyyət göstərsə də, IFFHS geniş şəkildə istinad olunur və detallı qlobal reytinqləri ilə tanınır. Təşkilatın təqdim etdiyi nüfuzlu mükafatlara “Dünyanın Ən Yaxşı Oyun Qurucusu” və “Top Qolçu” da daxildir ki, bunlar dünyadakı futbol ekspertlərindən ibarət münsiflər heyəti tərəfindən müəyyən edilir.

İspaniyanın əfsanəvi məşqçisi Vinsente del Boske bu mükafatı ən çox qazanan şəxsdir və o, 1996-cı ildən bəri dörd dəfə bu uğuru əldə edib.