UEFA Millətlər Liqası və Dünya çempionatının seçmə mərhələlərində istədiyi nəticələri əldə edə bilməyən İtaliya millisində baş məşqçi Lusiano Spaletti ilə yollar ayrılır.
90plus.az xəbər verir ki, Spaletti yaxın günlərdə İtaliya millisindəki baş məşqçi vəzifəsindən istefa verməyə hazırlaşır. Xüsusilə Dünya çempionatının Avropa seçmə mərhələsində Norveçə səfərdə 0:3 hesabı ilə məğlubiyyət bu qərarın verilməsində əsas rol oynayıb.
Buna baxmayaraq, Spaletti hələlik vəzifəsinin başındadır və sabah keçiriləcək İtaliya – Moldova qarşılaşmasında son dəfə komandanı idarə edəcək. Bu oyundan sonra İtaliya millisinin yeni baş məşqçiyə ehtiyacı olacaq.
Spalettinin statistik göstəriciləri:
Lusiano Spaletti rəhbərliyində İtaliya milli komandası 9 oyunda iştirak edib. Bu görüşlərdə 4 qələbə, 2 heç-heçə və 3 məğlubiyyət qeydə alınıb.
