İspaniya Superkubokunun finalında "Barselona"ya uduzan "Real Madrid" Kərim Benzema ilə müqaviləni yeniləməyə hazırlaşır. 90plus.az “Foot Mercato”ya istinadən xəbər verir ki” “Real” Kərim Benzema ilə mövsümün sonunda başa çatacaq müqaviləni bir il müddətinə uzatmaq qərarına gəlib. Xəbərdə “Real Madrid” rəhbərliyi ilə Kərim Benzema arasında müqavilənin detallarının müzakirə edildiyi bildirilib. Belə ki, “Əl-Nəsr”in marağına baxmayaraq, ulduz futbolçu komandada qalmağı və karyerasını Madriddə bitirməyi planlaşdırır. Qeyd edək ki, bu mövsüm “Real Madrid"in heyətində 19 oyuna çıxan Kərim Benzema 12 qol və 1 məhsuldar ötürmə ilə yadda qalıb.