Dortmund "Borussiya"sının hücumçusu Kərim Adeyemi zədə səbəbindən təxminən üç həftə meydana çıxa bilməyəcək. 90plus.az xəbər verir ki, bu barədə klubun saytı məlumat yayıb. O, Bundesliqanın 21-ci turunda "Herta" (4:1) ilə matçda zədələnib. 21 yaşlı oyunçuya əzələ lifinin qopması diaqnozu qoyulub . Beləliklə, Adeyemi Çempionlar Liqasının 1/8 final mərhələsinin martın 7-də Londonda “Çelsi” ilə keçiriləcək cavab görüşündə oynamayacaq.  Qeyd edək ki, bu komandalar arasında ilk oyunda "Borussiya" 1:0 hesabı ilə qalib gəlib. Komandanın yeganə qolunu Adeyemi vurub.