Azərbaycanın FIFA referisi Əliyar Ağayev növbəti dəfə Yunanıstan Super Liqasının oyununa təyinat alıb. 90plus.az - ın məlumatına görə, 36 yaşlı baş hakim PAOK və "Aris" komandaları arasında keçiriləcək XXXIII tur matçını idarə edəcək. Ona laysmanlar Zeynal Zeynalov və Akif Əmirəli köməklik göstərəcəklər. Kamal Umudlu isə VAR-da iş başında olacaq. Qeyd edək ki, aprelin 30-da oynanılacaq qarşılaşma Bakı vaxtı ilə saat 21:00-da başlayacaq.