Çexiya millisinin çalışdırıcısı İvan Hasek Avro-2024-ün qrup mərhələsinin ilk turunda Portuqaliyaya məğlub olduqları (1:2) oyunu şərh edib.
90plus.az xəbər verir ki, 60 yaşlı çex mütəxəssis ideal performans göstərmədiklərini etiraf edib:
"Dünyanın ən yaxşı komandalarından biri Portuqaliya ilə matçda işimizi çox çətinləşdirdik. Hamımız məyus olduq. Etiraf etməliyəm ki, işimizi bitirməməyimiz çox təəssüf doğurur. Əlavə vaxtda qol buraxdıq. Bunu çox tez geridə qoymalıyıq. Dörd gün ərzində əsas oyunumuzu keçirəcəyik. Bu, bizim üçün ideal bir performans deyildi".
Qeyd: Çexiya Avro-2024-də növbəti oyununu iyunun 22-si saat 17:00 Gürcüstana qarşı keçirəcək.
