Almaniya milli komandası 2026 Dünya Çempionatına aparan yolda növbəti mərhələyə qədəm qoyur. Baş məşqçi Yulian Nagelsmann sentyabrın 4-də Slovakiya və sentyabrın 7-də Şimali İrlandiya ilə keçiriləcək seçmə oyunlar üçün heyəti açıqlayıb.
90plus.az xəbər verir ki, siyahıya "Bayern Münhen" klubundan dörd futbolçu daxil edilib, ancaq Leroy Sane bu dəfə kənarda qalıb. Əvəzində, heyətə üç debütant – Finn Dahmen, Nnamdi Kollins və Paul Nebel çağırılıb.
"Bayern"dən heyətə seçilənlər bunlardır:
Coşua Kimmix, Leon Qoretzka, Serj Qnabri və yeni transfer Conatan Tah. Tah son vaxtlar meydanda və kənarda göstərdiyi liderlik xüsusiyyətləri ilə diqqət çəkib.
Qnabri isə ciddi səyləri nəticəsində yenidən milli komandaya qaytarılıb. Kimmix orta sahədə öz mövqeyini qoruyur və onu müdafiəyə qaytarmaq planlaşdırılmır.
Leroy Sane (hazırda “Qalatasaray”da çıxış edir) son vaxtlar assistləri ilə fərqlənsə də, sabit çıxış etmədiyi üçün bu dəfə heyətə salınmayıb.
Bundan başqa, heyətdə Camal Musiala, Kai Havertz, Aleksandar Pavloviç, Tom Biskof, Niko Şlotterbek, Yann Bissek, Robin Qosens və Feliks Nmeça da yoxdur.
