DÇ-2026: Avropa zonasında ilk turlara start verildi.

90plus.az xəbər verir ki, bu gün seçmə mərhələnin bir neçə qrupunda oyunlar keçirilib. B, C və Azərbaycan millisinin də olduğu D qrupunda komandalar ilk matçlarına çıxıblar.

D qrupunda Fransa səfərdə Ukraynaya 2:0 qalib gəlib. Azərbaycan millisi isə İslandiyaya 0:5 hesabı ilə uduzub.

C qrupunda Yunanıstan Belarus üzərində darmadağınla qalib gəlib – 5:1. Danimarka – Şotlandiya matçı qolsuz bərabərliklə başa çatıb.

B qrupunda İsveçrə Kosovo üzərində 4:0 hesablı qələbə qazanıb, Sloveniya – İsveç oyunu isə 2:2 bitib.

I qrupunda İtaliya Estoniyanı 5:0 hesabı ilə məğlub edib, İsrail Moldovaya 4 cavabsız qol vurub.

L qrupunda Xorvatiya Farer adalarını 1:0, Çexiya isə Monteneqronu 2:0 hesabı ilə üstələyib.

Dünən baş tutan oyunlarda isə Belçika Lixtenşteyni 6:0 darmadağın edib, Türkiyə səfərdə Gürcüstana qarşı dramatik oyunda 3:2 qələbə qazanıb. Almaniya isə Slovakiyaya 0:2 hesabı ilə uduzaraq startda sürpriz nəticə göstərib.