Bu gün Avro-2024-ün yarımfinal mərhələsində İspaniya - Fransa komandaları qarşı-qarşıya gələcək.
90plus.az xəbər verir ki, matçdan əvvəl Fransa millisinin baş məşqçisi Didye Deşam açıqlama verib.
Deşam açıqlamasında “Bütün İspaniya komandaları yarımmüdafiədə yaxşıdır. Onlar oyunun gedişatına nəzarət etməyi bilirlər. Xüsusilə ispaniyalı yarımmüdafiəçi Rodri çox güclüdür. Bu komanda indiyə qədər Avropa çempionatında ən keyfiyyətli futbol nümayiş etdirib. Onlar hər matçda göstərdikləri performansla heyran qoyurlar.
Təbii ki, müdafiə çox vacibdir, xüsusən də İspaniya kimi hücumameyilli komanda ilə qarşılaşanda. Etibarlı müdafiə bütün böyük turnirlərdə böyük əhəmiyyət kəsb edir, lakin bu kifayət deyil. Biz effektiv və irəlidə oynamalı olacağıq.
Mbappe son matçda 110 dəqiqə oynadı. Mbappe olsa belə, bir oyunçunu meydanda pis hiss etdirməyin mənası yoxdur. Əminəm ki, o, ən yaxşısı olmaq üçün hər şeyi edəcək. Görmə qabiliyyətini dəyişdirən maska taxmaq yeni bir vəziyyətdir. Onun burnu hər gün daha da yaxşılaşır" - deyə bildirib.
