Voleybol üzrə qadınlardan ibarət Azərbaycan millisinin yeni baş məşqçisi açıqlanıb. 90plus.az xəbər verir ki, bu vəzifə yenidən Faiq Qarayevə tapşırılıb. Onun təyinatı Azərbaycan Voleybol Federasiyasının 2023-cü ildəki fəaliyyətinə həsr olunmuş bugünkü mətbuat konfransında açıqlanıb. Qeyd: Faiq Qarayev müxtəlif illərdə qadınlardan ibarət Azərbaycan voleybol millisinin baş məşqçisi olub. Azərbaycan voleybol tarixində ən böyük uğurların - 2001-2002 mövsümündə CEV kubokunun, 2010-2011 mövsümündə isə Çağırış kubokunun memarı olub.