Sərbəst güləşçi, Azərbaycan millisinin kapitanı Hacı Əliyev Rumıniyadakı Avropa çempionatına yollanmayacaq. 90plus.az “Report”a istinadən xəbər verir ki, üçqat dünya və dördqat Avropa çempionu apreldə Bakıda təşkil olunacaq Avropa Olimpiya Təsnifat turnirinə hazırlaşmaq məqsədilə Xorvatiyada keçiriləcək “Zaqreb Open”ə (10-14 yanvar) və Rumıniyanın paytaxtı Buxarestdə baş tutacaq Avropa çempionatına (12-18 fevral) qatılmayacaq: “ Əsas məqsədim Paris-2024 Yay Olimpiya Oyunlarına lisenziya qazanmaqdır. Bu üzdən Avropa Olimpiya Təsnifat turnirinə hazırlaşıram”. Qeyd: Avropa Olimpiya Təsnifat turniri aprelin 5-7-si aralığında Bakıda təşkil ediləcək.