"Barselona"nın yarımmüdafiəçisi Qavi İspaniya millisinin qarşıdakı oyunlarında iştirak etməyəcək.
90plus.az xəbər verir ki, 21 yaşlı futbolçu sağ dizində yaranan ağrılar səbəbindən milli komandanın heyətinə cəlb olunmayıb.
Bu səbəbdən Qavi DÇ-2026-nın seçmə mərhələsi çərçivəsində Bolqarıstan və Türkiyə yığmalarına qarşı keçiriləcək görüşləri buraxacaq.
Qeyd: Gənc oyunçu daha əvvəl çarpaz bağlarında yaşadığı ciddi zədə səbəbilə uzun müddət yaşıl meydanlardan uzaq qalmışdı. Dizində yenidən ağrıların başlaması onun geri dönüşünü bir qədər də ləngidə bilər.
