PSJ-nin hücumçusu Kilian Mbappe "Real" onun komanda yoldaşı, müdafiəçi Aşraf Hakimi ilə müqavilə imzalasa, Madrid təmsilçisinə keçməyə hazırdır. 90plus.az xəbər verir ki, bu barədə "Todofichajes" məlumat yayıb. Bildirilib ki, klub rəhbərliyi artıq fransalının istəklərindən xəbərdardır və iki futbolçunun transferini nəzərdən keçirməyə hazırdır. Hakimi "Real"ın yetirməsidir və 2015-2020-ci illərdə orada oynayıb. Qeyd edək ki, Mbappenin PSJ ilə hazırkı müqaviləsi 2025-ci ilin yayında başa çatır.