Kilian Mbappe maraqlı statistikaya imza atıb. 90plus.az xəbər verir ki, PSJ fransız ulduzun qol vurduğu bütün görüşlərdə qalib gəlib. Fransız futbolçu PSJ karyerasında 198 qol vurub. Maraqlıdır ki, Mbappenin “Parc des Princes” stadionunda qol vurduğu 52 oyunun hamısında PSJ qalib gəlib. Paris komandası Liqa 1-in 24-cü həftəsində "Lill"i 4:3 hesabı ilə məğlub edib. Paytaxt təmsilçisinin qollarından 2-ni Mbappe vurub. Bu mövsüm bütün yarışlarda 27 matçda 25 dəfə “toru havalandıran” hücumçu 6 qol ötürməsi verib. 24 yaşlı futbolçu bombardirlər yarışında 15 qolla "Lill"in kanadalı hücumçusu Conatan Devidlə birinci yeri bölüşür.