UEFA Konfrans Liqasının 2-ci təsnifat mərhələsinin ilk oyununda “DAK-1904” klubunu 4-0 hesabla məğlub etdikdən sonra "Zirə" klubunun oyunçusu  Ange Mutsinzi fikirlərini bölüşüb.

90plus.az xəbər verir ki, müdafiəçi "Şerif"ə məğlub olduqdan sonra belə nəticə qazanacaqlarını gözləmədikləri söyləyib:

“Ola bilsin ki, “Şerif”ə məğlubiyyətdən sonra komandada bir qədər inamsızlıq var idi, belə hesabla qələbə qazanacağımızı gözləmirdik. Lakin oyunun təkrarına baxsaq, görərik ki, 4 topla yanaşı, çoxsaylı qol epizodlarını da boşa verdik. Halbuki hesab arasındakı fərq daha böyük ola bilərdi”.

Mutsinizi sözlərinə əlavə olaraq qeyd edib:

“Düşünmürəm ki, kimdəsə arxayınlıq yaransın. Oyundan oyuna fokuslanmalı olduğumuzu bilirik. Cavab matçına hər kəs maksimum dərəcədə ciddi yanaşacaq”.