Azərbaycanın çimərlik voleybolu üzrə milli komandaları Avropa çempionatlarında iştirak etmək üçün bu gün Avstriyaya yollanıblar.

90plus.az xəbər verir ki, yığmalarımız öncə avqustun 14-dən 17-dək Avstriyada keçiriləcək U-22 Avropa çempionatında mübarizə aparacaqlar. Ardınca isə avqustun 20-dən 25-nə qədər İspaniyada təşkil olunacaq U-20 Avropa çempionatında iştirak edəcəklər.

Millilərimiz hər iki yarışda həm oğlanlardan (Muhammad Aslanlı/İbrahim Məmmədov; ehtiyat heyət – Nəriman Bayramlı/Tural Əsgərov), həm də qızlardan (Səbinə Əlizadə/Cəmilə Bəşirova) ibarət komandalarla təmsil olunacaq.

Bildirək ki, qızlardan ibarət komandanın baş məşqçi funksiyasını Nihad Tarverdiyev, oğlanlardan ibarət yığmanın baş məşqçiliyini isə Atvars Vilde yerinə yetirir.