İtaliya A seriyasında “Roma” sonuncu dəfə “Empoli” ilə üz-üzə gəlib. 90plus.az “NTV Spor”a istinadən xəbər verir ki, paytaxt komandası görüşdə 1:0 hesablı qələbə qazansa da, bu, Mourinyonun komandasının ünvanına gələn tənqidlərin qarşısını ala bilməyib. 60 yaşlı təcrübəli məşqçi özü və komandası ilə bağlı tənqidlərə belə cavab verib: “İnsanlar bu komandanın nəyə layiq olduğunu anlamırlar. Biz çox çətin şəraitdə inanılmaz iş görürük. Bu uşaqların əməyinin dəyərləndirilməməsi məni məyus edir. Bilmirəm, ya başa düşmürlər, ya da anlamırlar. Ancaq mən oyunçularıma minnətdaram”. Portuqaliyalı baş məşqçi medianı da tənqid edib: “Media da bizə heç kömək etmir. Başqaları qalib gələndə dahi olur. Biz qalib gələndə isə ya bəxtimiz gətirir, ya darıxdırıcı futbol olur. Mənim 60 yaşım var və hər şeyi qazanmışam, mənə gözəl sözlər lazım deyil. Amma bu uşaqların gözəl sözlərə və təriflərə ehtiyacı var”.