İsveçrə millisinin baş məşqçisi Murat Yakın Avro-2024-ün qrup mərhələsinin 2-ci turunda Şotlandiya ilə (1:1) bərabərə qaldıqları oyun haqda fikirlərini söyləyib.

90plus.az  xəbər verir ki, 49 yaşlı  türkəsilli mütəxəssis bunları deyib:

“Mən futbolu şahmata bənzədirəm və bu gün taktikamızı düzgün qurduq. Bu formada bir səbəbdən istifadə etdik. Biz güclü tərəflərimizdən maksimum istifadə etməyə cəmləşdik. Oyun asan olmadı, lakin biz qarşımızda fərqli Şotlandiya gözləyirdik. Düşünürdük ki, bizi daim təzyiq altında saxlayacaqlar. Qalib gəlmək üçün şanslarımız var idi. Lakin yararlana bilmədik".

Yakın Cerdan Şaqirinin sehrli anlar yaratmaq qabiliyyətini alqışlayıb:
"Şaqiri bu gecə sübut etdi ki, belə fantastika üçün hələ də aktualdır. O, bunu illər boyu dəfələrlə nümayiş etdirib. Bacardığı şeyi etdi. Həqiqətən komandaya kritik amda böyük kömək etdi."

Qeyd: İlk oyununda Macarıstanı 3:1 hesabı ilə məğlub edən və əzmkar şotlandlardan xal alan İsveçrə A qrupunda ev sahibi Almaniyadan sonra ikinci yerdədir. Aktivində 4 xalı olan isveçrəlilər qrup mərhələsində Almaniyaya ağır məğlubiyyətə uğramasalar, ardıcıl altıncı böyük turnirdə pley-off mərhələsinə yüksələcəklər.